yeh shayad accha hi tha

Shayad ye accha hi kya jo tum bin bataye chal diye
Khamoshi ki dhund lapeti, Sar jhukaye chal diye,
Yun to gar vajah batate main fir se shayaad rok leta
Aur fir tum ise rishtey ki laash dhone lagate
Ab to rishta dafna diya, Chand ashq bahye, chal diye.
Khamoshi ki dhund lapeti, Sar jhukaye chal diye,
Jaane ki ahat bhi karte, ye palkein meri bighane lagti,
Aur jaane ki raah tumhari Kichad kichad ho jaati,
Accha hi kiya pairon ki ahat haatho mein uthaye chal diye,
Khamoshi ki dhund lapeti, Sar jhukaye chal diye,
Beasar raha ye dard, saari chikhen khamosh rahi,
Kehne ko to lautein palbar, marham lagaye chal diye,
Khamoshi ki dhund lapeti, Sar jhukaye chal diye,
Mai bhi is ghar mein ab kuch kam hi rehta hun,
Sara samaan bandha pada hai, Nyota jab bhi aaye hum chal diye